Upplifðu hráa fegurð náttúrunnar.
Classic aðgangur
Verð frá
Kærkomin pása frá amstri dagsins
Dagurinn byrjar um leið og þú stígur inn. Þú færð armband og handklæði, skiptir um í rúmgóðum búningsklefum og gengur beint út í steinefnaríkt jarðhitavatnið.
Byrjaðu á að slaka á í heitu lóninu. Færðu þig síðan á milli viðburðasánu, kaldra potta og Kneipp vaðlaugar þar sem heitt og kalt vatn vinna saman að því að örva blóðflæði, slaka á vöðvum og endurnæra líkamann. Þegar þú vilt aðeins lengja stundina bíður lónsbarinn með drykki sem þú nýtur án þess að fara upp úr vatninu og veitir skjól fyrir veðrinu þegar á þarf að halda.
Eftir baðið tekur Réttir veitingastaður á móti þér með ferskum réttum og drykkjum sem sækja innblástur í íslenskar árstíðir og hráefni úr nærumhverfinu.
Á sumrin nýturðu langra kvölda undir opnum himni. Á veturna baðarðu þig í frostinu með stjörnur eða norðurljós yfir höfðinu þegar aðstæður leyfa.
Sökktu þér í hlýjuna.
Njóttu náttúrulega jarðhitavatnsins í baðlóninu og leyfðu líkamanum að hægja á sér. Rannsóknir benda til að dvöl í heitu vatni geti stuðlað að slökun og vellíðan og margir upplifa að hlýjan hjálpi til við að losa um spennu og róa hugann. Gefðu þér tíma til að njóta augnabliksins og finna hvernig hlýjan umlykur líkama og huga.
Hitastig: 37–40°C eftir svæðum
Finndu kraft kuldans.
Stígðu ofan í kalt vatn og upplifðu endurnærandi andstæðu við ylinn frá lóninu og sánunni. Rannsóknir benda til að köld dýfa geti aukið árvekni og vakið skynfærin og margir upplifa aukna orku eftir víxl milli hita og kulda. Kuldinn vekur líkamann og skerpir skynjunina áður en hlýjan tekur aftur við.
Hitastig: 8–12°C fyrir byrjendur eða 4-7°C fyrir lengra komna
Láttu hitann umlykja þig.
Njóttu þurrs hita, gufu og hljóðs sem hjálpa þér að slaka á. Regluleg sánuböð geta aukið blóðflæði og hjálpað líkamanum að losa um spennu. Á ákveðnum tímum verða á leiddar gusur þar sem hiti, ilmur og tónlist skapa einstaka upplifun. Eftir sánuna er tilvalið að halda áfram í kalt vatn og njóta kraftsins sem felst í víxlbaði.
Hitastig: 80–95°C
Láttu hvert skref endurnýja þig.
Gakktu á víxl í gegnum heitt og kalt vatn og finndu kraftinn í andstæðunum. Margir upplifa léttari og frískari fætur eftir vaðið, sérstaklega eftir göngu eða langan dag á fótum. Það örvar líkamann á mildan hátt og hentar vel fyrir eða eftir baðið.
Hitastig: 36°C og 14°C til skiptis
Frískaðu líkamann.
Skolaðu af þér eftir sánuna eða veldu mildari kuldaupplifun sem hluta af Norræna ferðalaginu. Kalt vatnið vekur skynfærin og undirbýr líkamann fyrir næsta skref í ferðalaginu. Margir velja útisturturnar sem mýkri leið inn í víxl milli hita og kulda áður en þeir prófa köldu pottana.
Norræna ferðalagið byggir á norrænni baðhefð og leiðir þig í gegnum fjögur einföld skref þar sem hiti, kuldi og hvíld vinna saman. Mælt er með endurtaka hringinn tvisvar til þrisvar sinnum. Mikilvægast er að hlusta á líkamann og velja þann takt sem hentar þér.
Fjögurra skrefa ferðalag
1. Kneipp vaðlaug • 2–4 mínútur
2. Viðburðasána • 8–12 mínútur
3. Köld böð • 30–90 sekúndur
4. Heitar lindir • 5–10 mínútur
Endurtaktu • 2–3 sinnum
ÍSLAND 64.0476° N, 21.2220° V
Staðsetning
35 mín frá Reykjavík
75 mín frá Keflavíkurflugvelli
15 mín frá Selfossi
Stutt frá borginni. Kærkomin pása á leið um Gullna hringinn eða Suðurlandið.
Reykjaböðin bjóða upp á:
• 900 m² baðlón með nærandi, steinefnaríku jarðhitavatni sem slakar á líkamanum og róar hugann.
• Kaldar laugar með tveimur mismunandi hitastigum til að örva blóðflæði og skapa jafnvægi milli hita og kulda.
• Sauna með þurrum hita fyrir fullkomna slökun.
• Kneipp-laug þar sem heitt og kalt vatn ásamt sjávarbörðum steinum vinnur saman að því að örva blóðrásina.
• Slökunarsvæði þar sem þú getur slakað á og fundið fyrir ró náttúrunnar.
• Lónsbar þar sem þú getur notið svalandi drykkja ofan í lóninu.
• Bistro og bar sem býður upp á nærandi rétti, heita og kalda drykki.
• Baðhús og spa-uppfærslu þar sem hægt er að bæta við völdum meðferðum.
Lágmarksaldur í heitu laugarnar hjá Reykjaböðum er 10 ár.
Baðhúsið er eingöngu ætlað gestum sem hafa náð 18 ára aldri.
Foreldrar og forráðamenn
Öllum gestum yngri en 18 ára skal fylgja foreldri eða forráðamaður. Einn fullorðinn má hafa umsjón með að hámarki tveimur börnum.
Af öryggisástæðum og með tilliti til annarra gesta skulu börn vera undir stöðugu eftirliti meðan á heimsókn stendur.
Starfsfólk getur óskað eftir að fá staðfestingu á aldri barns með því að skoða gilt vegabréf eða skilríki. Ef ekki er hægt að framvísa slíkum gögnum er Reykjaböðum heimilt að synja um aðgang.
Gestum er velkomið að koma með börn yngri en 10 ára í húsakynni Reykjabaða. Þau mega þó ekki fara ofan í laugarnar og einn fullorðinn þarf ávallt að vera með barninu utan baðsvæðisins, til dæmis á Réttum veitingastað.
Hópar barna og ungmenna
Fyrir skipulagða hópa barna yngri en 13 ára þarf einn fullorðinn umsjónaraðila fyrir hvert tvö börn.
Fyrir skipulagða hópa ungmenna á aldrinum 13 til 17 ára þarf að lágmarki einn fullorðinn umsjónaraðila fyrir hver tíu ungmenni.
Umsjónaraðilar bera ábyrgð á hópnum allan tímann og skulu vera með honum í laugunum meðan á heimsókn stendur. Þeir skulu sjá til þess að farið sé eftir öryggisreglum Reykjabaða, sýnt sé tillit til annarra gesta og að hópurinn stuðli að rólegu og notalegu umhverfi.
Umsjónaraðilar mega ekki neyta áfengis meðan þeir bera ábyrgð á hópnum og bera jafnframt ábyrgð á að gengið sé frá öllum ógreiddum kostnaði áður en hópurinn yfirgefur Reykjaböð.
Uppfæra: Þetta, þetta og þetta.
Baðlónið nær mest 1,2 m dýpt sem gerir flestum gestum kleift að standa þægilega á meðan þeir njóta jarðhitavatnsins.
Setusvæði og breytileg dýpt gera þér kleift að finna þinn uppáhaldsstað í lóninu.
Lónsvatninu er haldið um 38 gráður sem er fullkomið hitastig til að slaka vel á.
Þar sem veðrið á Íslandi er síbreytilegt getur hitinn í vatninu virst mismunandi eftir árstíðum.
Á köldum vetrardögum verður andstæðan milli gufunnar og fjallaloftsins einstök en á sumrin finnur þú fyrir mjúkum og nærandi yl sem umlykur líkamann og róar hugann.
Í Reykjaböðum eru nútímalegir búningsklefar fyrir konur og karla. Hvor inniheldur tvö einkarými fyrir gesti sem kjósa að vera í næði.
• Hver gestur fær armband sem veitir aðgang að læstum skáp til að geyma eigur og nota við kaup á drykkjum í lónsbar.
• Setubekkir fyrir aukin þægindi.
• Snyrtiaðstaða með hárblásurum, speglum og sætum þar sem hægt er að hafa sig.
• Þurrksvæði með rekkum fyrir handklæði og sundföt.
• Sturtuklefum fyrir aukið næði. Í sturtunum er boðið upp á sjampó, hárnæringu og líkamssápu úr Reykjaböð Collection.
Auk þess er boðið upp á einkabúningsherbergi með 8 skápum með aðstöðu fyrir fatlað fólk, fjölskyldur eða þá sem þurfa sérstakt næði. Til að tryggja aðgengi að því rými mælum við með að panta það fyrirfram.
Frá búningsklefunum geta gestir gengið beint út í baðlónið og salerni eru þægilega staðsett rétt við innganginn.
Allir gestir eru skyldugir að vera í sundfatnaði í baðlóninu, baðhúsinu, saunum, gufu og öðrum baðrýmum.
Heppileg sundföt eru til dæmis:
• sundbolir
• bikiní
• sundskýlur
• sundstuttbuxur
• og sérhönnuð sundföt.
Venjuleg föt og fatnaður úr bómull, svo sem nærföt, buxur eða peysur, eru ekki leyfð.
Hafir þú gleymt sundfötunum, þá bjóðum við upp á leigu á sundfötum á staðnum.
Í samræmi við reglur um hreinlæti þurfa allir gestir að þvo sér vandlega með sápu, án sundfata, áður en farið er í lónið.
Það tryggir að jarðhitavatnið haldist hreint, tært og notalegt fyrir alla gesti.
Í sturtunum er boðið upp á sjampó, hárnæringu og líkamssápu frá Reykjaböðum sem gestir geta notað án endurgjalds.
Ef þú ert með undirliggjandi heilsufarsvandamál, svo sem hjarta- eða æðasjúkdóm, háan eða lágan blóðþrýsting, eða aðra kvilla, mælum við með að ráðfæra þig við lækni áður en þú heimsækir baðlónið.
Gestir fara í laugina á eigin ábyrgð, og við ráðleggjum að gæta varúðar ef þú ert ekki við fulla heilsu.
